حِزبك , إِبنك , عِندك , ذُلك
روحك , فكرك , قلبك, جسمك
بِدَلك , جِزمك , ظُلمك , كُلك
لم ده كُله فشنطة سفرك
كده و إنت لسه بكرامتك
لم ده كله و حطه فـــــ .. إيدك
نفذ مرة أرادة شعبك
80 مليون كده قرروا موته
و ده حتى فــ موته بيحط شُروطه!
حتى فــموته حاسس جبروته؟
لما الشعب ياخد حريته
شوف فاضل كام ثانية فــ عمرك
إمشى بقى يلعن أبو شكلك
لازم أشتم و أقول أبو --
و لا أقولك ؟
حزبك , إبنك , عندك , ذُلك
أسمك , صورتك , مجلس شورتك
خططك , مكرك , شرك , كرهك
و اللى ياوفقك و اللى ينافقك ,
على داخليتك, مجلس شعبك
لعبك , كورتك
على إعلامك بأجنداتك و بكراستك
و اللى يخون و إللى إتلون
و اللى يهول و إللى يهون
و اللى يمنطق و إللى إتبلطج
و اللى يصدّر و إللى يقدّر
و إللى يزور و إللى يحوّر
و إللى إتقنعر و إللى إتمنظر
و إللى لما يشوف تحرير
يكدب و يشوه فــ المنظر
إللى بيكدب و إللى بيرهب
على نياشينك و إنتصاراتك
على أساطيلك على طيرانك
على أساطيرك على حواراتك
على دساتيرك على نوابك
على ملايينك و إختلاساتك
على حواراتك على وزراتك
على علاقتك و إجتمعاتك
على رجالتك على خواجاتك
و اللى باع شرفه علشان عرشك
بفنلاتك و بغياراتك
بِدلك , جِزمك , ظلمك , كلك
لم ده كله و حطه فــ إيدك
و أمشى يا جدو قبل ما يجى
يجى الشعب يحطه , هتزعل!
حطه فــ إيدك كده من نفسك
إمشى يا جدو و خاف على نفسك
إن مكانش علشانا
علشان إسمك
المشاركات
ليست هناك تعليقات:
إرسال تعليق