الشكل الثانى عشر: الرجل المرسوم على علبة السجائر

عندما أصبح الرجل المريض المرسوم على علبة السجائر أشهر من عمرو دياب أصبح الكلام عنه ضرورة .. بعيداً عن الجدل المُثار حو الصورة إن كان الرجل مريضاً أم صحيحاً أم حتى ميتاً ...
أنا لا أتحدث عنه لصدقه أو كذبه بل لأنه مشهور ...
لدى أصدقاء يعملون بالتمثيل و اخرون بالموسيقى ... يبذلون مجهود كبير و مُحترم على أمل أن يتم ذكرهم مرة واحدة فى جريدة و لكن لا يحدث ... فقط شهرة أو نصف شهرة يحظون بها داخل النطاق السكندرى فقط ...
فنحن شعب لا يعرف شكل الوزراء إذا قابلهم فى الشارع .. نحن لا نعرف ما هو شكل أعظم المؤلفين ... فمن -بحق الجحيم - و هذا الرجل لينال كل تلك الشهرة ؟!!!...
هل هو فنان؟ ... هل هو مُثقف من الأساس؟ .. لا .. إنه مجرد الوجه الذى يقف بيننا و بين رغباتنا .. ماذا سيحدث عندما تُنشر أول رواية لى و أنتمى إلى طبقة الكُتاب و يبدأ مشوارى كفنان ؟ .. هل سأعانى من تلك المشكلة أنا أيضاً ؟ .. هل سأقضى عمراً لكى يعرفنى شخص أو إثنان بينما يصبح أشباه ذلك الرجل مشاهير بالصدفة ؟!!!
لا ... أنا لن أسمح ... يجب علينا أن ننتزع الشهرة بنفسنا أن نخطفها إن لم تأت هى إلينا طواعية ... نشرّيها حاجة أصفرا .. نعملها تنويم مغناطيسى أو نفعل أى شىء آخر لكى تنتمى إلينا .. تنتمى إلى من يسعون إليها ... فقط من يسعون إليها ...
لذلك قررت أن يكون هذا هو شكل علبة سجائرى




إحترس التفكير يدمر الصحة و يسبب الوفاة

الأثار المدمرة للتفكير تصيب المفكر و غير المفكر

يسبب التفكير أمراض القلب و البتاع

هناك 19 تعليقًا:

غير معرف يقول...

gamda elpic 2li enta 3amlha

Mohamed Abdelgeleel يقول...

مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

t3ban يقول...

طب أنا سمعت انه خد 2 مليون
انت حتاخد كام

غير معرف يقول...

أنا مش فاهم بصراحة هى إيه علاقة مركز ضحايا لحقوق الانسان بالاسكندرية بالصورة الفكيسة إللى أنا حاططها؟!!!!! على العموم شكراً على التعليق

الرد على تعبان : عشرة جنيه أصل أنا طماع بصراححة

غير معرف يقول...

مدونتك مطرقعة

بس حرام عليك الاخت هيفا و روبى اللى انت مشركهم معاك

اما بالنسبة لسجائر فاكنت بشرب lm بس دلؤقتىمحبوسة ف البيت ومبقتشى بشرب ولا اعرف شكلها بس بتهيقلى مش lm اللى عليها شكل الرجل المهيس دا بتهيقلى المصرى بس

غير معرف يقول...

Definitely in the best ways to prevent people from smoking cigarettes and drinking


I believe that the cigarette manufacturers will lose a lot and I think it will not shut up for the losses due to photos

And I think people Httjp to the needs of the most dangerous narcotics like bubble and

مصطفى محمد أمين يقول...

طبعاً دهع أنا خلقة أهلى تخللى أى حد يتقرف يشرب أى حاجة..ز بصراحة ساعات بحس إن أنا إثبات حى إن الإنسان أصله قرد

ثانياًَ البنى آدم ده مرسوم على كل السجاير ما عدا الدافى دوف

ثالثاً هو إيه بالظبط إللى حرام؟
هو أنا عملت إيه لروبى و هيفاء بالظبط ده أنا حتى بكرمهم

إذا كنت أنا أساساً من أهم المؤمنين بأن مؤخرة روبى أحسن من مقدمة إبن خلدون

و عملت جروب على الفيس بووك إسمها

مؤخرة روبى أحسن من مقدمة إبن خلدون

و لو مش مصدقين اللينك أهيه

http://www.new.facebook.com/group.php?gid=27916572971

saso يقول...

بجد بسم الله ما شاء الله عليك بجد جامد اخر حاجه انا قريت المقالات كلها مش عايزة اقولك مدى جمالها &
وانشاء الله ليك مستقبل حلو اوى
بس نصيحه بلاش المواضيع الساسيه لحسن بسمع انها بتودى فى داهيه
انا مش بفهم فى السياسه خالص خالص بس حاسه انك كاتب كلام جامد موت
وعلى فكرة دمك اخف فى المواضيع اللى برة السياسه اوك
وربنا معاك وشد حيلك
saso

Alkomi يقول...

نصيحة لوجه الله


على فكرة غير خطك الكتابي شوية لإن المردود مش ظريف خالص

مصطفى محمد أمين يقول...

شكراً جداً يا كومى للنصيحة إللى إنت سيبتهاللى على البلوج , بس أنا للأسف مفهامتش أوى
يعنى مثلاً إيه إللى فى الخط الكتابى إنت عايزه يتغير دلوقتى
أو إيه إللى إنت مش شايفه نفسك تشوفه بعد كده؟
و إيه المردود إللى إنت حاسس إنه مش حلو ده؟
إنت و أنت بتقرا مثلاً؟

معلش إستحمل بطء فهمى بس أنا بجد مهتم إنى أعرف رأيك

مصطفى محمد أمين يقول...

الرد على saso

السياسة مابتوديش فى داهية و لا حاجة الناس كلها بتتكلم فى السياسة و الحاكم مايقدرش يسجن الناس كلها ..

الإصلاح هو إللى بيودى فى داهية

أنا فعلاً سمعت التعليق بتاع إنى دمى أخف فى الحاجات إللى ملهاش دعوة بالسياسة ده كتير فأكيد الناس دى صح .. و أنا عمر ما كان هدف عندى إنى أكون دمى تقيل علشان كده قررت إنى أركز على قد ما أقدر على مواضيع مش سياسية و إنى أسيب السياسة فى حالها بس يا رب هى تسيبنى فى حالى و تطلع من دماغى

saso يقول...

وجهه نظر بروا فى حكايه ان الحكومه هتسجن مين ولا مين

يعنى ايه الاصلاح؟(بما انك خبرة قديمه)

واكيد السياسه هتتلع من دماغك بس انت بطل (تهييس) فوق مناصات العربيات وانا اضمنلك انها هتخرج من دماغك

مصطفى محمد أمين يقول...

أنا مش خبرة قديمة

و أدعيللى إن السياسة تطلع من دماغى ... كل ما أجى أكتب عن حاجة ألاقى الكلام راح منى فى حتة تانية و لقتنى بتكلم عن السياسة

saso يقول...

انشاء الله السياسه تطلع من دماغك

انا عرفة مش من حقى انى اتدخل فى افكارك بس بقترح عليك تكتب عن لغه النت اللى طلعت جديد(الفرنكو)اما بالسلب او الايجاب حسب وجهه نظرك

(اصل انا وجهه نظرى انها بايخه)
شوف انت لو موافقه تكتب فى الموضوع دا احب انى اشوف حاجه دمها خفيف .

وكل سنه وانت طيب وعيد سعيد عليك

saso

غير معرف يقول...

Heya bas el nas..dayman bettshad li 7agat el gedida w yeb2a 7ades el madena w shofto la3bet el sageyr 7atolna feha eh w bet3..
w sebak men kol da!!
ma7desh bet3ez bardo
w 3ady gedan a2lab el 3elba aw an2eel el sagyeeer kolha fi 3albt sagyer kanet ademha
w 3ady
kolo 3ady

مصطفى محمد أمين يقول...

كله عادى دى فى حد ذاتها فلسفة و ثقافة شعب بفكر مرة أكتب عنها

غير معرف يقول...

بس أجمد حاجة البتاع إللي في الآخر دة ..

Unknown يقول...

tota على فكره انا اول مره اقرا مدونتك وبجد عاجبتنى جدا جدا وانا مبسوطه بطريقه كتابتك جدا اسلوبك رائع فى طرحك للمواضيع وان شاء الله يكون ليك مستقبل كبييييييييييييير اوى بس متنساش الحاجه الاصفرا علشان تنتزع الشهره

غير معرف يقول...

بجد رائع يا مان

إشترك فى المدونة ليصلك جديد المقالات من خلال
Your pictures and fotos in a slideshow on MySpace, eBay, Facebook or your website!view all pictures of this slideshow
رواية إسكندرانية جديدة بتتكلم عن إسكندرية إللى محدش إتكلم عنها قبل كده عن القعدة فى قهوة الريد و كيرماس سان مارك عن خناقات كارفور ما بين سان جابريال و أميريكان عن نزلة زعربانة عن نادى سبورتنج عن المعاويج و الدحيحة و النوفوريش و الناس الغلابة و عن الطبقة الوسطة و عن شرب الخمرة و الحشيش و لعب الإيستيميشن

فقرة من الرواية:"كانت لعبة الإيستيميشن و فن الحشيش بمثابة ثنائى لا يفترق بالنسبة لعمرو سلامة و رامى و كريم شمس و محمد البارودى... و الغريب أن كل واحد منهم كلن لديه فيما سبق ماضياً أفضل ... عمرو منذ سنين كان متديناً بشكل يسر الناظرين ... كريم كانت له ميول حزبية ... و رامى كان أقل جرأة و أكثر أدباً مع الجميع ... و محمد البارودى كان الأول على فصله فى المدرسة ... إنهم النموذج الشهير للنوع من البشر الذين يبحثون عن إستجابة الدعاء فى أكواب الخمور ... و وجدوا الشفافية السياسية فى شفافية ورق البفرة(ورق لف السجائر) الشفاف"

للدخول إلى جروب الرواية على الفيس بوك أضغط هنا

مدونات شقيقة