فى البداية كان إسمه "أمير" فقط ("أحمد أمير" أو "محمد أمير" ... شىء من هذا القبيل ...) ثم أضفنا على إسمه لقبALFA لينتمى هو الصمغ الشهير إلى نفس "الماركة"
و السر وراء هذا التشبيه أن الإثنان (أمير و الصمغ) يشتركان فى صفة واحدة مميزة ... الإتنين "لزقة" ... حتى أن أمير أحياناً يكون فصله عن الهدوم أصعب من الصمغ ...
و لكى نتحدث عنه أكثر , كنا فى الرابعة الإبتدائية فى مدرسة سان مارك ... (يعنى بعد أول مرة شربت فيها سجاير بحاولى سنة) ... المهم أن أمير لم يشرب السجائر و هو طفل لنفس السبب الذى جعلنا أطفال شاربين للسجائر ... نحن شربناها من أجل الفضول و حبنا الفطرى لفلسفة الإكتشاف ... أما أمير فشربها (علشان يخرج معانا و خلاص)
الدفعة كلها (بما فيهم أنا) كرهت أمير جدا ً ... و أعتبرناه شخص ثقيل الظل للغاية .. و بعدها إختفى "أمير" من سان-مارك لأسباب غامضة .. و لم نره منذ الخامسة الإبتدائية ... و كدت أن أنساه تماماً حتى يوماً قريب ... عندما حدثنى صديقاً لى عنه و ذكرنى به ... إبتسمت قبل أن أسأله
-"آه !! قصدك أمير ألفا !!! ... هو الواد ده راح فين صحيح؟"
-"معايا فى الكلية .. لسه خطوبته كانت من كام يوم"
-"لا يا راااجل !!! خطب مين ؟"
-"واحدة بيضاااا#$^ و ALFA كده زيه برضه .. كانت بتلزق لأختى فى المدرسة"
دعنا نستوقف السرد لثانية ... فإن خطوبة "أميرALFA" من "فلانة ALFA ... ما هو إلا تطبيق مثالى و واقعى لنظرية أن المهندس يتزوج مهندسة .. و أن الدكتور يتزوج دكتورة ... و أن أمير ألفا يتزوج من واحدة ALFAزييه..
هلا تتخيلون معى كيف سيكون حال إبن أو بنت أمير ؟!!!
(و محادش يستظرف و يقوللى بلزازة اللى جابت أمه إنهم هيخلفوا أنبوبة أمير الفا صغيرة)
لأ بجد ... ماذا لو سلمنا بأن أمير لزقة و مراته(على إعتبار ما سيكون)
هتبقى ست لزقة و أبو أمير كان راجل لزقة الله يرحمه و أمه كانت ست كولللا أساساً ... حتى فكرة التحدث عنه فى مدونتى قد إلتصقت برأسى بدون سبب.... إيه القرف ده؟!!!!
المشاركات
هناك 5 تعليقات:
قال تعالى في سورة النور
{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ
وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}
صدق الله العظيم ... إستخدان عجيب جداً للآية بصراحة
enta bt2ol fi elshakl bta3k 2n alfa wad bayda etgwaz wa7da zyoh bayda (3la fakra bayda not equal white) .rabna by2ol 2noh byrzo2 el7'abyseen bl7'abysat w eltaybeen bltaybat w da 2li 7asl lalfa sa7bk rabna raz2oh bwa7da zyoh
هاهاها صح هو بالظبط كده ... كأن ربنا ينتقم لكل إللى ألفا قرفهم غى عيشتهم...
ح يجبو طفل مختلف لانه ح يشوف عيبهم وحيحاول يتخلص منها
إرسال تعليق